Rado ihany angamba no mpanoratra hoe mba nankafiziko sy tena novakiako tsara ny bokiny sy ny tononkalony. Ny "Dinitra" no novakiako voalohany ary tamin'izay aho vao tsy hoe namaky tononkalo iray na roa dia nijanona, fa rehefa avy mamaky iray aho dia ohatra ny hoe te-hamaky iray hafa indray. Anisan'ny nanaitra ahy indrindra tamin'izany ity tononkalo ity ny lohateny hoe "Tia". Mahalasa saina be ilay izy ary tsy fantatra marina no tena tiany ambara...Ahoana no ahafahanao hoe sady tia no mankahala olona iray??Ary marobe mihitsy ny fanontaniana tiako apetraka aminy amin'ny antony nanoratany ny tonokalony sasany, nefa indrisy...
Faly sy taitra tokoa aho niheno ny teny notenenin'i Bessa tamin'ny nahalasana an'Itompokolahy Georges Andriamanantena hoe ny tena tokony ataontsika dia ny misaotra an'Andriamanitra noho ny 85 taona be izao niainany teto an-tany sy ny nanomezany lanja ny asasoratra malagasy nefa "tsy misy fisarahana tsy arahin-tsento na fahafatesana tsy arahin-dranomaso".
Ary tena faly tokoa aho fa efa nahita sy nahatratra an'izany andrarezina hoe Rado izany...
Faly sy taitra tokoa aho niheno ny teny notenenin'i Bessa tamin'ny nahalasana an'Itompokolahy Georges Andriamanantena hoe ny tena tokony ataontsika dia ny misaotra an'Andriamanitra noho ny 85 taona be izao niainany teto an-tany sy ny nanomezany lanja ny asasoratra malagasy nefa "tsy misy fisarahana tsy arahin-tsento na fahafatesana tsy arahin-dranomaso".
Ary tena faly tokoa aho fa efa nahita sy nahatratra an'izany andrarezina hoe Rado izany...
Tia
Tiako ianao no sady hàlako
Fa mangidy koa no mamiko!
“Fahavaloko”, “Malalako”
Samy anaranao raha amiko
Angolaiko hoe “Fitiavako”
No bantiko hoe “Mpamitaka”
Mifangaro eo am-bavako
Ny hatezerana sy sitraka
Tezitra aminao ny foko
Misamboaravara erikitra!
Kelikely indray...Misoko
Ilay fitiavako mamikitra
Tiako ianao no sady hàlako
Fa mangidy koa no mamiko!
“Fahavaloko”, “Malalako”
Samy anaranao raha amiko
Angolaiko hoe “Fitiavako”
No bantiko hoe “Mpamitaka”
Mifangaro eo am-bavako
Ny hatezerana sy sitraka
Tezitra aminao ny foko
Misamboaravara erikitra!
Kelikely indray...Misoko
Ilay fitiavako mamikitra
Rado (1966)
Dinitra
Dinitra
